Pages

Saturday, December 22, 2012

ஹிண்டு....காங்கிரஸ்....கோயபெல்ஸ்”

ஒருவர் வெற்றி பெற்றால் அவரை பாராட்டுவதும்..மரணமடைந்து விட்டால் அவரது நற்குணங்களை சுட்டிக்காட்டி புகழ்வதும்…நம்நாட்டின் பண்பாடு..



இந்த பண்பாடும், நாகரீகமும், மாநிலத்துக்கு மாநிலம மாறுபடுவதில்லை…எல்லா மாநிலத்திலும் பின் பற்றப்படுவதுதான்..



ஆனால் காங்கிரஸ் கட்சியும் ”இந்துப்” பத்திரிக்கையும் என்.டி.டி.வியும் இதற்கு விதி விலக்கு!

தேர்தல் முடிவுகளை மீடியாக்கள் அலசிக்கொண்டிருக்கும் போது, அதில் பங்கு பெற்ற காங்கிரசின் திரு. பீட்டர் அல்போன்ஸ் அவர்கள் மோடியை புழுதி வாரி தூற்றினார்…



இந்தியாவிலுள்ள அனைத்து மதசார்பற்ற சக்திகளும் ஒன்று சேர்ந்து, குஜராத்தில் முகாமிட்டு மோடியை தோற்கடித்திருக்க வேண்டும்…என்றார்.



தமிழ்நாடு காங்கிரசின் முன்னாள் தலைவர் ஈ.வீ.கே.எஸ்.இளங்கோவன் அவர்கள் , மோடியை, “ ஒரு மதவாதி…வன்முறையாளர், பிற்போக்குவாதி, “ என்றெல்லாம் திட்டி தீர்த்தார்.



அதற்கு பதிலடியாக நான் சொன்னேன்..” 6 கோடி குஜராத்திகளால் ஜனநாயக முறைப்படி , தேர்ந்தெடுக்கப்பட்ட ஒரு மாநில முதல்வரை, இப்படி கண்ணியக்குறைவாக பேச காங்கிரஸ் உங்களுக்கு சொல்லிக்கொடுதிருக்கிறதா?”..என்றேன்.
ோடியை முஜத்ிக்கள் ஓட்டுப்போட்டெர்ந்த்டத்ர்..என்ற உங்கு வம்...த்மா கந்தியும்...ர்ார் வல்லாய் பட்டேலும், மொரார்ஜி ேசாயும் கொடத்ுஜத்ையும் குஜத் மக்கையும் அவானத்ும் விாக.... இருக்கிறு என்றேன்..
  

1950 முதல் 2000 மாவது ஆண்டுவரையிலான 50 ஆண்டுகளில் இந்தியாவில நடந்த மதக்கலவரங்கள் சுமார் 1194..அதில் சுமார் 80 சதம் காங்கிரசின் பிரதமர்கள் , திரு நேரு, திருமதி. இந்திரா காந்தி, திரு ராஜீவ் காந்தி ஆகியோர் காலத்தில் நடை பெற்றது..இதில் ஆயிரக்கணக்கான முஸ்லீம்களை கொன்றுகுவித்தது காங்கிரஸ் கட்சிதான்..இதற்காக இவர்களுக்கு கிடைத்த பரிசு மூன்று “பாரத ரத்னா”..பட்டம்



இப்படி கலவரங்களை உண்டாக்கி முஸ்லீம்களை கொன்று குவித்த காங்கிரசுக்கு மதசார்பற்ற தன்மை பற்றி பேச அருகதை கிடையாது—என பீட்டருக்கு நான் பதிலளித்தேன்.

மாறாக இமாச்சலத்தில் தோல்வியை தழுவிய பாஜகவின் முதல்வர் பிரேம் குமார் தூமல்..”மக்கள் தீர்ப்புக்கு தலை வணங்குகிறேன்” என்றார்.

காங்கிரசின் ராகுலையோ, சோனியாவையோ அவர் அவதூறாக பேசவில்லை.

கட்சிகளுக்குள்ளே கலாச்சார மாறுபாடுகளை பாருங்கள்..

.

மோடி மதவாதியாக இருந்திருந்தால் முஸ்லீம்கள் பெரும்பான்மையாக இருந்த 19 தொகுதிகளில் 12 தொகுதியை பாஜக எப்படி ஜெயித்து இருக்க  முடியும்?..

உண்மையை ஏற்றுக்கொள்ள என்றும் இவர்கள் தயாரில்லை..



வெற்றி பெற்ற மோடிக்கு வாழ்த்து சொல்ல தயாரில்லாத..( தகுதியில்லாத பத்த்ரிக்கை  என்று நான் சொல்வேன்..) இந்து பத்திரிக்கை இப்படி தலையங்கம் எழுதியது..

“ மோடி…அவருடைய காட்டின் அரசன்…( KING OF HIS JUNGLE ) முஸ்லீம்களை கொன்று குவித்தவர்…டெல்லிக்கு படையெடுக்க முயற்சிக்கிறார்”—என்ன அநாகரீகம்..என்ன வயிற்றெரிச்சல்…



மோடி மதவெறியனாக இருந்திருந்தால்….2002 குஜ்ராத் கலவரத்தில் ஒரு இந்து கூட சுடப்பட்டுரிக்க கூடாது…மரணமடைந்திருக்கக் கூடாது…கைது செய்யப்பட்டு இருக்கக்கூடாது…..தண்டிக்க பட்டு இருக்கக்கூடாது..



ஆனால் துப்பாக்கி சூட்டில்…இந்து 193 பேர் முஸ்லீம் 77.. பேர்

கொல்லப்பட்டதில் இந்து 283 பேர்..முஸ்லீம்..788 பேர்

கைது செய்யப்பட்டதில் இந்து 27,000 பேர்..முஸ்லீம் 7000 பேர்



இவ்வளவு உண்மைகளுக்கிடையே பொய்யை திரும்பத் திரும்ப சொல்லும் கோயபெல்ஸ் இந்து பத்திரிக்கை----என்.டி.டி.வி. மற்றும் காங்கிரசை என்ன செய்வது…..



குஜராத்தைப் போல…2014 லில்..டெல்லியையும் பிடிப்பத்தே இவரகளுக்கு பாடம் புகட்டும் ஒரே வழி.

Sunday, December 16, 2012

லஞ்சமாகும் மானியங்கள்..தினமலர்

மத்திய அரசின், 51 திட்டங்கள் மூலமாக ஏழைகளுக்கு வழங்கும் மானியங்களை, அந்தந்த பொருட்களை இலவசமாகவோ, குறைந்த விலையிலோ வழங்காமல், வங்கி மூலம், பணமாக தர, மத்திய காங்கிரஸ் அரசு முடிவு செய்துள்ளது.

மேலெழுந்தவாரியாக பார்த்தால், இது ஒரு சிறந்த திட்டமாக தெரியும். அரசின் பல்வேறு திட்டத்தில் கொடுக்கப்படும் இலவசங்கள், மானியங்கள், மக்களை சென்றடைவதில்லை. இடையில் ஏற்படும் ஒழுகல், சிந்தல், சிதறல், உதிரல் போன்றவை, ராஜிவ் சொன்னது போல, ஒரு ரூபாய்க்கு, 17 பைசா தான் மக்களை சென்றடைகிறது என்றது உண்மையே.இக்குறையை சரி செய்யத்தான், மக்களுக்கு, மானியங்களை பணமாக, அதுவும் வங்கி மூலமாக, நேரடியாக அவர்கள் கணக்கிலேயே செலுத்தி விட, அரசு முடிவு செய்துள்ளது; இது தவறா?

குஜராத்துக்கு வரும், 13 மற்றும் 17ம் தேதி தேர்தல். இத்திட்டத்தை செயல்படுத்தும் முதல், 51 மாவட்டங்களில், நான்கு மாவட்டம் குஜராத்தில் இருக்கின்றன.வாக்காளர் என்றால், காங்கிரசின் ஓட்டு கொட்டும் ஒரு ஏ.டி.எம்., காசு என்னும் கார்டை, வாயில், "ஸ்வைப்' செய்தால், வயிற்றிலிருந்து, "ஓட்டை' கொட்டும் இந்த இயந்திரம். இதை உறுதி செய்யும் சம்பவங்கள், சரித்திரத்தில் நடந்தேறியுள்ளன.

கடந்த, 1971ம் ஆண்டு தேர்தலில், "கரீபி ஹகட்டாவோ' வறுமையே வெளியேறு என்ற, கோஷத்தை முன் வைத்து, இந்திரா வெற்றி கண்டார்.கடந்த, 1971ம் வருடம், சுதந்திரம் பெற்று அன்று, 24 ஆண்டு ஆகியும், வறுமையை ஒழிக்க முடியவில்லை. இன்றும் அப்படித்தான் என்பது, வேறு விஷயம்.தோற்றுப்போகும் சூழல் உருவாகும் போதெல்லாம், காங்கிரஸ் புத்தியில் புதிய புதிய ஏமாற்றுத் திட்டங்கள் வேர்க்கும். அதே மாதிரி ஒன்று தான், இந்த மானியங்களை பணமாக, வங்கி மூலம் வழங்கும் திட்டம்.ஓட்டுக்காக, கட்சி பணத்துக்கு பதில், அரசு பணத்தையே, அதாவது, மக்கள் பணத்தையே, மக்களுக்கு கொடுக்க அறிவித்ததுதான் இந்த திட்டம்.

வெளிநாட்டிலிருந்து, ஈமு கோழி என்ற ஒரு பறவையை, இங்கு கொண்டு வந்து, அது இந்தியாவின் தட்பவெட்ப சூழலுக்கு வளருமா என்பதை பற்றி கவலைப்படாமல், விவசாயிகளிடம் ஆசை வார்த்தை காட்டி, கோடிக்கணக்கில் சுருட்டினர்.காலம் காலமாக வளர்க்கப்படும் ஆடு, கோழிகளை புதிய கவர்ச்சிகரமான திட்டங்களை அறிவித்து, அதிக பணம் தருவதாக ஆசை வார்த்தைகள் காட்டி, அதனால் ஆயிரக்கணக்கானவர்கள் ஏமாற்றப்பட்டு, காவல் நிலைய வாசல்களில், அசலுக்காக தவங்கிடக்கும் காட்சி, தினசரி பத்திரிகைகள் படம் பிடித்து காட்டுகின்றன. சில தனிப்பட்ட நபர்களின் ஆசை வார்த்தைகள், கவர்ச்சி திட்டங்களில், மக்கள் ஏமாந்து போகின்றனர் என்பது, நிதர்சனமான உண்மை.

தனியார், மக்களை ஏமாற்றுவதை புரிந்து கொள்ள முடிகிறது. அரசே, மக்களுக்கு லஞ்சம் கொடுத்து, ஓட்டை பறித்து ஏமாற்றுவதை ஏற்றுக் கொள்ள முடியுமா என்பதும், ஒரு சாராரின் கேள்வி.வாஜ்பாய், "வேலைக்கு உணவு' திட்டத்தை கொண்டு வந்தார்; எதற்காக? அன்றைய தினம், உணவு கிடங்குகளில், கோதுமை நிரம்பி வழிந்தது. சேமிக்க இடமில்லை. தானியங்கள் வீணாகாமல் தடுக்க, அதை ஏழைகளுக்கு கொடுக்க விரும்பினார்.மக்கள், அரசிடம் கையேந்தக் கூடாது. எனவே, இலவசமாக கொடுக்க விரும்பாமல், அவர்களே அதை சம்பாதித்துக்கொள்ளும் வழியில், 8 மணி நேரம் வேலை கொடுத்து, சம்பளமாக கோதுமை கொடுத்தார்.வாஜ்பாய் ஆட்சிக்கு பிறகு, அதே திட்டத்தை, மாற்றுப்பெயரில் காங்கிரஸ் தொடர்ந்தது. பெயர் மட்டுமல்ல, வழிமுறை, செயல்பாடுகளும் மாறின. "தேசிய கிராமப்புற வேலை வாய்ப்பு உறுதி திட்டம்' என்பது தான், அந்த புதிய பெயர். இதில், தானியத்துக்கு பதிலாக, பணம் கொடுக்கப்பட்டது. கணக்குக்கு, 100 முதல், 110 ரூபாய் சம்பளம். கைக்கு வருவதோ, 60 அல்லது 70 ரூபாய் மட்டுமே. இடையில், 40 முதல், 50 ரூபாய் வரை, ஒழுகல் இருந்ததால், உருப்படியான வேலை ஏதும் நடைபெறவில்லை.

தனக்கு வேண்டியவர், வேண்டாதவர் என்றும், ஆளும் கட்சிக்காரர்கள் பிரித்தாண்டு ஊழியர்களை தேர்வு செய்தனர். தொடர்ந்த வேலைக்கு, அவர்கள் கேட்ட விலை, தேர்தலில் காங்கிரசுக்கு ஓட்டு போட வேண்டும் எனும் நிபந்தனை தான். இப்போது, "வங்கி மூலம் மானிய பணம்' திட்டம், நிஜமாகவே, ஒரு ஜாக்பாட் தான். இதே திட்டத்தை, இப்போது அறிமுகப்படுத்துவதற்கு முன்பே, "மாதிரி திட்டமாக' காங்கிரஸ் ஆளும், ராஜஸ்தான் மாநிலம் ஆல்வார் மாவட்டம், "கோட்காசிம்' தாலுகாவில், நவம்பர், 2011ல் அறிமுகப்படுத்தினர்.முதலில் ஏழை குடும்ப கார்டுதாரருக்கு, வங்கி கணக்கு ஏற்படுத்தி கொடுத்து, மண்ணெண்ணெய்க்கு மானியத்தை, வங்கியில் செலுத்த முடிவு செய்தனர். அதாவது, ஒரு கார்டுதாரர், மாதம், 10 லிட்டர் மண்ணெண்ணெய், லிட்டருக்கு, 15 ரூபாய் என, மானிய விலையில் கொடுத்ததை, அதன் சந்தை விலையான, 49 ரூபாய்க்கு வாங்கி கொள்ள வேண்டும்.

திட்டத்தின் முதல் மாத மானியம், 340 ரூபாயை, முன்கூட்டியே வங்கி கணக்கில் கட்டி விடுவது என, முடிவு செய்தனர். இது முதல், மூன்று மாதங்களுக்கு தொடரும். இரண்டாவது, மூன்றாவது மாதத்திலிருந்து, ஒவ்வொரு காலாண்டு முடிவிலும், வாங்கும் மண்ணெண்ணெய்யின் அளவை பொறுத்து, மானிய தொகை, வங்கியில் செலுத்துவது என்பது ஏற்பாடு. திட்டம் துவங்கிய கடந்த ஓராண்டில், ஒரு சிலரைத் தவிர, யாருக்கும் மானிய தொகை, வங்கியில் செலுத்தப்படவில்லை. சந்தை விலைக்கே, ரேஷனில் மண்ணெண்ணெய்யை விற்பதால், எண்ணெய் வாங்க ஆளில்லை. அதாவது, ரேஷனில் மண்ணெண்ணெய் விற்பனை, 70 சதவீதம் குறைந்ததுஇந்த விற்பனை குறைவை, அரசு, தற்போது கையில் எடுத்துள்ளது. ரேஷன் மண்ணெண்ணெய், கள்ள மார்க்கெட்டுக்கு போனதை, அரசு தடுத்து விட்டதாம். இந்த திட்டத்துக்கு வலு சேர்க்கும் விதமாக அரசு இதை வைக்கிறது.
ஆனால், உண்மை நிலவரம் வேறு. அரசின் மானியம், வங்கி கணக்கில் ஏறாததால், சந்தை விலையான லிட்டர், 49 ரூபாய்க்கு மக்களால் மண்ணெண்ணெய்யை வாங்க முடியாததால், கிராமவாசிகள், காட்டில் கிடைக்கும் விறகுகளை பொறுக்கி, ஜீவனம் நடத்த வேண்டிய நிலை வந்துள்ளது.

இது தவிர, இந்த திட்டத்தில் வேறு என்ன பாதகங்கள் இருக்கின்றன என்று, கேட்பவர்களுக்கு, சில விவரங்கள்: வங்கிகள் இல்லாத கிராமங்கள் நாட்டில், 40 சதவீதத்துக்கும் அதிகம். பெரும்பாலான கிராம மக்கள், தபால் நிலையங்களில், கணக்கு வைத்துள்ளனர்.நாட்டின், 60 சதவீத தபால் நிலையங்கள், "இன்டர்நெட்'டினால் இணைக்கப்படவில்லை. இதை செய்து முடிக்க, அரசுக்கு, 2013 ஜூனில் ஆரம்பித்து, 15 மாத காலம் ஆகும் என, மத்திய அமைச்சர் ஜெய்ராம் ரமேஷ் கூறியுள்ளார்.ஆக, "மாதிரி திட்டமே' ஓராண்டு கால சாதனையாக, வேதனையே தந்துள்ளது. அதுவும், ஒரே ஒரு பொருளுக்கு, அதாவது, மண்ணெண்ணெய் மானியத்துக்கு மட்டும்.

மிக முக்கியமான வங்கி கணக்கு வசதியே முழுமை பெறவில்லை. அரசு அறிவித்துள்ள, 51 மாவட்டங்களில் கூட, 71 சதவீதம், வங்கிகள் மூலம் மட்டுமே பணம் செலுத்தும் வசதி உள்ளதாக, மத்திய அமைச்சரே ஒப்புக்கொண்டுள்ளார். அப்படியானால், இதை அவசர, அவசரமாக அறிவிக்க வேண்டிய கட்டாயம் என்ன வந்தது? "தேர்தலை மனதில் வைத்தே காங்கிரஸ், இத்திட்டத்தை அறிவித்துள்ளது' என்ற குற்றச்சாட்டிற்கு, அமைச்சர் வாக்குமூலம் வலு சேர்க்கிறதே.நலத்திட்டங்கள், மானியங்கள், ஏழை மக்களை சமூகத்தில் முன்னேறியவர்கள் நிலைக்கு உயர்த்தி விடுவதற்காக, அரசு செய்ய வேண்டிய கட்டாயங்கள். அதனால் தான், நம் நாட்டின் அரசை, அரசமைப்பு சட்டத்தில், "மக்கள் நல அரசாங்கம்' என்று
குறிப்பிட்டுள்ளனர்.ஆனால், இன்றைய அரசு, குறிப்பாக, "காந்தி' பெயர் கொண்ட, நேரு குடும்ப தலைமையிலான அரசுகள், மானியங்களை பணமாக தருகிறோம் என்ற பெயரில், லஞ்சமாக மாற்ற முயல்வது, இந்திய மக்களை அவமதிக்கும் செயலாகவே தெரிகிறது.

Thursday, December 6, 2012

மீடியாவை துரத்து மோடி

இந்துப் பத்திரிக்க்கையில் உங்கள் கட்டுரை வரவேண்டுமா? அது ஒன்றும் கஷட்டமான விஷயம் இல்லை..நரேந்திர மோடியை தரக்குறைவாக திட்டி எழுதுங்கள்..அது கட்டுரை என்ற பெயரில் பிரசுரமாகிவிடும்.அப்படித்தான் ஊர் பேர் தெரியாத பலரிந்-..இன்றுகூட பத்ரி ரெய்னா என்பவர் உட்பட கட்டுரைகளை இந்து பிரசுரித்து வருகிறது..அப்படி வந்த பல வார்த்தைகளை படித்ததனால் கிடைத்த”ஞானமே” இக்கட்டுரையின் கரு.

புது புதிதாக வார்த்தைகளை கண்டுபிடிப்பதில் மீடியாக்கள் கில்லாடிகள்.முதலில் “மதவாதத்தை” –கண்டு பிடித்தார்கள்…அதற்கு எதிர்ப்பதம் தெரியாதமல் தவித்த போது ஒரு அறிவு ஜீவி ஓடிவந்து ”சுக்குலர்”—மதசார்பற்றவன்—என்பதை வீசி எறிந்தார்.

இரண்டிலும் சிக்கியவர்கள் “சூடோ செக்குலர்” என்ற வார்த்தையை தேடிக்கண்டு பிடித்தனர்.
இப்படி வார்த்தை ஜாலங்கள் மண்ணில் ஆடியது போதாதென்று விண்ணில் ஆடி அது தற்போது குஜராத்தில் கீழிறங்கியது.

அதுதான் “மெஜாரிடி கம்யூனலிசம்”—பெரும்பான்மை மதவாதமாம்..இதற்க்கு எதிப்பதம் சொல்லாமலே தெரியுமல்லவா? ஆம் அதுதான் சிறுபான்மை மதவாதம்..

கோத்ரா கலவரத்திற்கு பின்பு குஜராத் மயான பூமியானது..என்று சொல்லி மீடியாக்கள் மோடியை துரத்தின..மோடி ஓடினார்…

நரோடா பாட்டியா..பெஸ்ட் பேக்கரி வழக்கு—ஷொராபுதின் வழக்கு என கேஸ்மேல் கேஸ்..மோடியை துரத்தியது....மோடி ஒடினார்..

2007 தேர்தலில் இரை கிடைக்காமல் தவித்த இதே பூதங்களை தூக்கிவீசிய மக்கள் மோடி மீது வெற்றி மாலையை சூடினார்கள்.
காங்கிரஸ் ஆதரவு மீடியாக்களுக்கு அப்போதும் வன்மம் தீரவில்லை.2002இல் மோடிக்கெதிரன அவர்களுடைய “மைனாரிட்டி கம்யூனலிசமே” 2007 லும் அவர்களது ஆயுதமாகியது..

குஜராத்துக்கு வெளியே மக்கள் இந்த வாதங்களை ஆச்சரியத்தோடு பார்த்தார்கள்..ஆனால் குஜராத் மக்களோ மோடியை தங்கள் “பாதுகாவலனாக”—”ஆபத்பாந்தவனாக”—பார்த்தார்கள்.
எதிர்ப்பை ஏற்படுத்தும் என நினைத்த மீடியாக்களின் பிரச்சாரம்..எதிர்விளைவை ஏற்படுத்தியதால் ஏமாந்துபோனார்கள்.

குஜராத் இன்று மோடியின் கோட்டை..இம்முறை மோடியின் வெற்றி சாதாரணமானதாக இருக்கப்போவதில்லை..மாதவ் சிங் சோலங்கி பெற்ற 140 இடங்களை விட  அதிகம் வெற்றியை நோக்கி மோடி போய்க்கொண்டிருக்கிறார்.

பிரச்சாரதில் 3-டி போன்ற தகவல் தொழில்நுட்பம்—ஒரே நேரத்தில் 10 ஊர்களில் மக்களிடம் நேரடிப்பேச்சு..இந்த தொழில்நுட்ப உரிமையை 2014 வரை தானே சொந்தமாக்கிக்கொண்ட சாமர்த்தியம்..

தினசரி 10 ஊர்களி பொதுக்கூட்டம்—10 மணிநேரம் வானில் பறக்கும் வேகம்—யாரு நினத்துப்பார்க்கமுடியாத வியூகம்—பிரச்சார தந்திரம்.. ..இதனால் ஆடிப்போன எதிரி மீடியாக்களின் கடைசி ஆயுதந்தான்..”மெஜாரிட்டி கம்யூனலிசம்”—பெரும்பான்மை வகுப்புவாதம்—

இதை---இதை—இதைத்தானே எதிர்பார்த்தோம்..
ஓடஓட மோடியை விரட்டிய மீடியாக்கள் அவர் திரும்பியவுடன் தலைதெரிக்க  ஓடுகிரது..
மோடியை மீடியா துரத்திய 2002 போய்
மோடி மீடியாவை துரத்தும் 2012 வந்துள்ளது
என்னே காலத்தின் அபூர்வம்
தர்மத்தின் தீர்மானம்.