ஆயிரமாண்டு பேசும் ஓராண்டு சாதனைகள்...இதோ

நான் 25 கோடி ரூபாய் விளம்பரதாரனில் அடக்கம் அல்ல..
நான் “ஜெ” யின் எதிரியோ “கானா”வின் ஆதரவாளனோ அல்ல
இந்த அரசின் முதலாண்டு சாதனை விளம்பரங்களை பார்த்த பின்பும்...
அதன் “வாசகங்களை “ படித்த பின்பும்...”விமர்சனமே செய்யக்கூடாது” என்று தான் இருந்தேன்

தினசரி “அரைத்த மாவையே”  துறைவாரியாக நம்பணத்தில் மீண்டும் மீண்டும் அரைக்கப்படுவதை பார்த்து பொறுக்காமல் பொங்கி எழுந்து விட்டேன்..விளைவு...தலைப்பை மாற்றிவிட்டேன்..ஆயிரமாண்டு பேசும் ஓராண்டு சாதனைகள்...இதோ..

விலையில்லா மிக்ஸியாம்
விலையில்லா மின்விசிறியாம்
இலவசத்துக்கு இப்படியொரு பெயர்
ஓசிக்கு மற்றுமொறு பெயர்

மின்  விசிறிக்கு  பதிலாக
பனை  விசிறி  தந்திருந்தால்
புழுக்கம்  பற ந்திருக்கும்
புஜமும் “பல”ந்திருக்கும்

வார்த்தை  ஜாலத்தில்
ஆட்சி  நகரலாம்
மின்சாரம்  இல்லாமல்
மிக்ஸி  நகருமா?

ஆறுமணி  நேரம்  மின்வெட்டு
பத்துமணி  நேரம்  ஆனது
இரண்டு  ரூபாய்  பஸ்டிக்கட்
ஆறு  ரூபாய்  ஆனது

இல்லாத  மின்  சாரத்துக்கு
சொல்லாமல்  கட்டண  உயர்வு
ஆயிரமாண்டு  பேசும்
ஓராண்டு  சாதனை  இதுவல்லவோ

”குடிமக்கள்”  குஷி  குறைய
“சரக்கு”  விலையும்  உயர்ந்தது
தமிழகம்  முதலிடம்  பெற
“குடிஞர்”  வயதும்  குறைந்தது

ஆணுக்கு  நிகர்  பெண்ணென
“குடி” ”காரிகளும்” கூடினர்
ஆயிரமாண்டு  பேசும்
ஓராண்டு  சாதனை  இவையல்லவோ

இடுப்பு  வளைந்து  தலைவியை
முதுகு  குனிந்து  “அவதாரத்தை”
தலைகள்  கவிழ்ந்து  அன்னையை
மந்திரியும்  எம்.எல்.ஏயும்  செய்யும்

ரோடுஷோ  கூழை  கும்பிடு
பெண்ணின்  பெருமைக்கு  நற்சான்று
ஆயிரம்  ஆண்டுகள்  பேச 
இது ஒன்றே  போதாதா?